王賢誌出櫃

王賢誌出櫃

王賢誌暗認斷背


現年42歲的節目主持王賢誌一直拒絕談論性取向,前晚他破格在電台同志節目中大談感情生活,表示四年前才開始初戀,拍拖後兩人即打得火熱共賦同居,他不諱言憧憬搞個盛大婚禮,但無意效法黃耀明及何韻詩直認「出櫃」!

歌手黃耀明及何韻詩去年相繼公開同性戀者身份,惹來全城關注,而家族資產達數十億元的節目主持王賢誌(Vinci)雖經常被拍到與全男班蒲同志吧,惟一直拒提及個人性取向,前晚他接受電台同志節目訪問,破例大談感情生活,雖然沒有高呼出櫃,但含義已呼之欲出!他表示幾年前與無綫結束合作關係後,認識到一些喜歡杯中物的朋友才開始蒲吧:「我去都係希望開心、輕鬆吓,不過成日畀人影,都有朋友怕咗我o架!」

42歲的Vinci透露四年前蒲吧時邂逅現任另一半,亦是其初戀對象:「當時我嬲我朋友唔斟酒畀我,於是去第二枱飲,有個澳門朋友就介紹咗『佢』畀我識,『佢』係美國人,咁啱探媽咪先嚟澳門同香港,我哋識真係緣分!」兩人過電後發展一日千里,很快已Sweet爆同居,即使及後對方知道他是藝人身份仍無礙發展,Vinci直言開齋拍拖後感覺激烈,猶如「全世界只得對方」一樣,並大方談及同居生活:「我鍾意執嘢,喺屋企做阿四由朝執到晚,佢就煮嘢食叻,而且鍾意種嘢,依家屋企變咗綠色,我哋會自己種番茄。」

從未「直」過

Vinci表示戀愛後令他收斂了脾氣,變得任勞任怨:「之前我發微博話拍拖係學問,當時係有啲唔開心,我哋冇嗌交,但更加明白要坦誠溝通。」問到會否想早日結婚?他坦言希望留港舉行盛大婚禮,邀請所有親友出席,但要等適當時機。

其後Vinci接受電話訪問,問到會否大方公開性取向?他表示不會宣之於口,亦不想多談細節,至於是否打算效法黃耀明及何韻詩般公告出櫃?他說:「人哋做咗,我唔想跟風,大家自己意會啦!唔想畀人話博宣傳。(幾時結婚?)未Ready,不過我畀咗咁多人情畀朋友,都想收吓!(之前冇同女仔拍過拖?)我話咗冇拍過就冇拍過!」

對於Vinci公開戀情,好友均紛紛表示支持,王馨平認為現今世代很開放,應可自由選擇,陸詩韻亦說:「我諗佢真係好開心先會有勇氣講出嚟,我一向唔抗拒同性戀嘅朋友!」早前宣布和同性戀人楊如芯結婚的富商趙世曾千金趙式芝(Gigi)說:「知佢掙扎咗好耐,依家佢搵到自己嘅聲音同勇氣,踏出咗第一步,係值得嘉許!」


---
內容來源 http://www.kbtw.info/2013/03/blog-post_25.html


瀏覽人數:

244

  • 發布日期: 2013-03-26 02:00
  • 貢獻者: 小惡魔
  • 0人喜歡, 0人不喜歡
http://9.blog.xuite.net/9/1/0/7/23348663/blog_1910721/txt/66838958/0.jpg
手機版線上求助企業合作社團合作刊登廣告隱私權保護愛逛街樂多日誌朋友圈外小優仕優仕網首頁
YouthWant 優仕網 since April, 2000. Copyright© Shinewant Tech. 2000-2014. All rights reserved.
本網站已依台灣網站內容分級規定處理常年法律顧問: 明沂律師事務所 陳以蓓律師